بەیانی ئەمڕۆ لە شاری حەسەکەی رۆژئاوای کوردستان رێورەسمی بەخاکسپاردنی ئەو نۆ شەهیدەی هەسەدە دەستیپێکرد، کە هەفتەی رابردوو لە رووداوی کەوتنەخوارەوەی هێلیکۆپتەرەکانیان گیانیان لەدەستدا.
شەوی چوارشەممەی رابردوو لە ناحیەی چەمانکێی سەر بە پارێزگای دهۆک دوو هێلیکۆپتەر کەوتنەخوارەوە، دواتریش هێزەکانی سوریای دیموکرات ئاشکرایانکرد، هێلیکۆپتەرەکان نۆ شەڕڤانیان تێدابووە سەرجەمیان شەهید بوون.
دوێنێ سێشەممە بە چاودێری هێزەکانی هاوپەیمانی نێودەوڵەتی تەرمی هەر نۆ شەهیدەکە رادەستی هەسەدە کرانەوە، ئەمڕۆ چوارشەممە بە بەشداری سەدان کەس لە شاری حەسەکە رێورەسمی بەخاکسپاردنیان بەڕێوەدەچێت.
