دادگای فیدراڵیی عێراق بەهۆی چەند سكاڵایەكەوە بڕیاریدا بەراگرتنی جێبەجێكردنی هەرسێ یاسای لێبووردنی گشتی، یاسای باری كەسی و یاسای گەڕانەوەی زەوی و زار بۆ خاوەنەكانیان.
ئەمڕۆ سێشەممە دادگای فیدراڵیی عێراق لە راگەیەندراوێكیدا دەڵێت، “بەهۆی پێنج سكاڵاوە كەلەلایەن چەند پەرلەمانتارێكەوە كراوە، جێبەجێكردنی هەرسێ یاسای لێبووردنی گشتی، یاسای باری كەسی و یاسای گەڕانەوەی زەوی و زار بۆ خاوەنەكانیان رادەگرین”.
ئاماژەی بەوەشكردووە،”راگرتنی جێبەجێكردنی یاساكان تاوەكو ئەو كاتە دەبێت كە ئەو سكاڵایانە یەكلاییدەكرێنەوە كە لەسەر تێپەڕاندنی یاساكان تۆماركراون”.
