کەسێک شەوی رابردوو لە شاری بەغداد دایک و باوکی کوشت و خوشکەکەی بریندارکرد ئەمڕۆش لەلایەن دەزگا ئەمنییەکانەوە دەستگیرکرا.
وەزارەتی ناوخۆی عێراق بڵاویکردەوە، “شەوی رابردوو لە ناوچەی زیونەی رۆژهەڵاتی شاری بەغداد کەسێک دەستڕێژی گوللەی لە خێزانەکەی کرد و دایک و باوکی کوشت و خوشکەکەی بریندارکرد و دواتر هەڵات”.
ئاماژەی بەوەش کرد، “بە پشتبەستن بە زانیارییە هەواڵگرییەکان توانرا هەر لە شاری بەغداد تۆمەتبار دەستگیربکرێت و دەستبەسەر چەکەکەشیدا بگیرێت کە هەوڵیدابوو لە زبڵداندا بیشارێتەوە”.
ئاشکراشیکرد، “لێکۆڵینەوە لەگەڵ تۆمەتبار بەردەوامە و پەڕاوی بۆ کراوەتەوە”.
