مێسی دەڵێت ئاهەنگێکی نمونەییمان بۆ بەدەستهێنانی ناسناوی مۆندیال گێڕاوە و ستایشی ئاستی بەرزی مباپی هێرشبەری فەرەنسیشی کرد.
دەشڵێت پێکەوە هەوڵ دەدەین ئەنجامی گەورە بۆ پاریس بەدەست بهێنین.
بەشێک لە قسەکانی مێسی
– بردنەوەی مۆندیال ڕوداوێكی مێژوویی بوو بۆ ئێمە بەشێوەیەكی جوان پێشوازیان لێكردین
– توانیمان لەگەڵ گەلەكەمان بەشێوەیەكی جوان ئاهەنگ بگێرین
– بەڕاستی یاریی كۆتایی مۆندیال نمونەیی و تاقەت پڕوكێن بوو
– مباپی یارییەكی نمونەیی ئەنجامدا و سێ گۆڵیشی كرد بەڵام لەكۆتایدا نەبونە پاڵەوان بەڵام پێشتر نازناوەكەیان بردۆتەوە
– هیوادارم لەگەڵ مباپی پێكەوە بتوانین ناسناوی زۆر بۆ پاریس ببەینەوە
– وەرزی یەكەمم لە فەڕەنسا قورس بوو بەڵام ئەم وەرزە باشترم و لەگەڵ كەشی یانەكە و وڵاتەكە گونجاوم
– لەڕاستیدا سەرسامم بە ئامادەكاریەكانی ئەم وەرزەی پاریس
– دەمانەوێت بچینە ئەڵمانیا و ئەنجامەكە بەسەر بایرندا هەڵگەڕێنینەوە
– ئامانجمان تیپەڕاندنی قۆناغی شانزەی چامپیۆنزلیگە
