(وێنە و ڤیدیۆ) فەنارباخچە بە جوانترین شێوە ڕێزی بەرانبەر دوو هاندەری کۆچکردووی نیشاندا

یانەی فەنارباخچە بە شێوەیەکی جیاواز ڕێز بەرانبەر دوو هاندەری کۆچکردووی نیشاندەدات

یانەی فەنارباخچەی تورکی لە ڕێگەی نمایشکردنی پۆستەرێکەوە ڕێز بەرانبەر دوو هاندەری کۆچکردووی یانەکەی نیشاندەدات.

لە ڕوبەڕوبوونەوەی یانەی مالاتیا سپۆر، ئیدارەی یانەی فەنارباخچەی تورکی وێنەی دوو هاندەری بەتەمەنی یانەکەی لە دانیشتگای یاریگای سۆکرو ساراگلو لە ئیستانبوڵ نمایشکرد، سەرەڕای ئەوەی یارییەکەیان بە ئەنجامی سێ گۆڵی بێوەڵام دۆڕاند.

پۆستەرەکە پێکهاتووە لە وێنەی هاندەرێک بەناوی مومتاز ئاماچەمیز و هاوسەرەکەی بەناوی ئیحسان تەیازمیز، لەهەمان ئەو پێگەیە دانراوە کە دووانەی ناوبراو چەندین ساڵ لێیدانیشتوون.

مومتاز و هاوسەرەکەی تاوەکو ساڵی 2013 بەردەوام لە ڕوبەڕوبوونەوەکانی یانەی فەنارباخچە ئامادەبوون، سەرەتا مومتازی لە تەمەنی 88 ساڵیدا کۆچی دواییدەکات، سەرەڕای ئەوەش ئیحسان بەردەوامدەبێت لە سەردانیکردنی یاریگا تاوەکو لە تەمەنی 90 ساڵیدا کۆچی دواییدەکات.

ئیدارەی یانەی فەنارباخچە لە ڕێگەی منداڵەکانی ئیسحان و مومتازەوە توانیویەتی زانیاری تەواو بەدەستبهێنێت، لە تۆڕی کۆمەڵایەتی تویتەر لەبارەی نمایشکردنی پۆستەرەکەوە نوسیویانە، ” پرسەی خۆمان ئاڕاستەی سەلمین و ئۆزدام و خێزانەکە بەگشتی و خۆشەویستان و هەموو هاندەرانمان دەکەین، خێزانی فەنارباخچە هەرگیز دوو کەسایەتی جوان و ئاشقی یانەکە لەبیرناکات، پورە مومتاز و هاوسەرەکەی مام ئیحسان، لە ڕوبەڕوبوونەوەی مالاتیا سپۆر لەگەڵماندا بوون و هەمیشە لە ناو دڵانمان دەمێننەوە، لەبیرتان ناکەین”.

بابەتی پێشتر

هۆشداری دەدرێت لە "ناشرینکردنی" هەناری هەڵەبجە لە بەریتانیا

بابەتی دواتر

عێراق لە پلەی یەکەمی ئەو وڵاتانەیە کە موڵکیان لە تورکیا کڕیوە

بابەتی پەیوەندیدار
Total
1
Share