یاریزانانی یانەی ڕیاڵ مەدرید ڕێزی ڕۆناڵد ئاراوخۆی ئورۆگوایی، بەرگریکاری یانەی بەرشلۆنە دەگرن و هەندێکیشیان خۆشەویستییان بۆ دەربڕیوە.
بەپێی زانیارییەکانی ڕۆژنامەنووسی ئیسپانی، خوسێ فیلێکس دیاز کە لە ڕۆژنامەی “مارکا”وە بڵاوکراوەتەوە، ڕۆناڵد ئاراوخۆی بەرگریکاری بەرشلۆنە جێگەی خۆی لە دڵی یاریزانانی ڕیاڵ مەدرید-دا کردووەتەوە.
🔴 Ronald Araujo is a player that is respected by Real Madrid players. He has defended Vinicius in a past interview and defended Alvaro Rodriguez. His humility is easily seen. The stuff let him watche Sergio Ramos videos to learn from his style. [@marca] pic.twitter.com/vYEK1X2L3M
— Barça Xtra (@XtraBarcaa) March 5, 2023
بەرگریکارەکە بەردەوام لە میدیاکانەوە ڤینیسیۆز بە یەکێک لە باشترینەکان وەسفدەکات، هەروەها هاوڕێیەتی لەگەڵ ئەلڤارۆ ڕۆدریگێز و ڤاڵڤێردی هاونیشتمانیانیدا هەیە، جگە لەوەش لە یاریی کلاسیکۆدا لە بەریەککەوتنێکدا پاڕێزگاری لە ئەلڤارۆ ڕۆدریگێز کردووە و داوای لە تێر شتیگنی هاوڕێی کردووە لەسەرخۆبێت.
سەرچاوەکە جەخت لەوە دەکاتەوە، ئاراوخۆ داوای لە ستافی ڕاهێنانی بارسا کردووە هاوکاری بن بۆ بەرەوپێشبردنی تواناکانی، بەتایبەت لە تۆمارکردنی گۆڵدا، ئەوانیش تۆمارێکی سێرجیۆ ڕامۆس-یان پێشکەشکردووە، داواشیان لێکردووە لەو بەرگریکارەوە فێری تۆمارکردنی گۆڵ ببێت بە لێدانی سەر.
