سەرۆكایەتیی شارەوانیی سلێمانی رایدەگەیەنێت، لەگەل نزیكبوونەوەی بۆنەكانی مانگی ئازار و هاتنی مانگی رەمەزانی پیرۆز، تیمەكانمان لە بەشی لابردنی سەرپێچی و زیادەڕۆیی هەڵمەتەكانیان بەردەوامە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بۆ رێكخستن و لابردنی زیادەڕۆیی ناوبازار و پاراستنی ناوبازار، لە بڵاوبوونەوەی خۆل و خاشاك، رێنمایی بە خاوەن دوكاندار و كاسبكاران دراون كە پابەندی ڕێنماییەكانی شارەوانیبن لەپاراستنی شۆستە و شەقامەكان كە مافی هاوڵاتییانە.
لە راگەیەندراوەكەدا هاتووە، هەڵمەتەكە لە (بازاری زێوەر، جەمعیەی كۆن، فولكەی مامەریشە، بازاڕی خانەقا، شەقامی كاك ئەحمەدی شێخ و بەردەم دادگای كۆن) ئەنجامدرا كە بە هاوكاریی پۆلیسی شارەوانی ئەنجامدراوە.
