لە یادی 32 ساڵەت راپەڕینی گەلی کورد مەکتەبی سیاسیی یەکێتیی نیشتمانیی کوردستان پەیامێکی بڵاوکردەوە و ئاشکرایکرد (32) ساڵە نەوەكانی راپەڕین لە سایەی كوردستانی ئازاددا پێدەگەن و بەگیانی پەیامی راپەڕین دژی ستەم و دیكتاتۆری چاویان لە ئایندەی گەش و ئاسۆیەكی شایانتری ژیان و گوزەرانە.
مەکتەبی سیاسیی یەكێتیی نیشتمانیی کوردستان بڵاویکردەوە، “32 ساڵ بەسەر راپەڕینی گەلەكەمان دژی زوڵم و ستەمی دیكتاتۆری رژێمی بەعس تێپەڕدەبێت، لە دەروازەی راپەڕینەوە بۆ وێستگەكانی زەماوەندی سلێمانی و روخانی قەڵای ستەم لە هەولێری دێرین و راماڵینی سوپای بەعس لە دهۆكی دەلال تا تاجی راپەڕینەكان لە نەورۆزی رزگاری كەركوكدا، دەیان شار و شارۆچكەی كوردستان بە خوێنی دەیان شەهید و رەنجی دەیان هەزار راپەڕیوی میللەتەكەمان ئازادكران”.
ئاماژەی بەوەش کرد، “یەكێتیی نیشتمانیی كوردستان بە شانازییەكی زۆرەوە 32 ساڵە خاوەندارێتی رێبەرایەتی كردنی راپەڕین و پارێزگاری كردن لە پەیام و ئامانجە پیرۆزەكانی دەكات، بەهاوكاری هێز و لایەنە نیشتمانپەروەرەكان لە هەموو كایەكاندا خەباتی بێوچان دەكات بۆ گەشەپێدانی دەستكەوتەكانی ئازادی و دیموكراسی و حوكمڕانییەكی ڕاست و دروست، بۆ ئەم مەبەستە پیرۆزەش قوربانی داوە و ئامادەی قوربانی زیاتریشە”.
لە بەشێکی دیکەی پەیامەکەی یەکێتیدا هاتووە، “ساڵ لە دوای ساڵ نەوەیەكی تازە دێنە كۆڕی ژیانی سیاسیی و گشتییەوە و روانینی نوێیان بۆ كوردستان و بۆ راستكردنەوەی ئەزموونی حوكمڕانی وڵاتەكەمان هەیە وهەقیشیانە بە نەفەسی رەخنەگرانە و بە پەرۆشی پەیامی جارانی راپەڕینەوە ویست و ئیرادەی تازە لە خۆیان نیشان بدەن، یەكێتیی نیشتمانیی كوردستان بە گیانی هەمیشە زیندووی راپەڕین و بۆ پارێزگاری لە دەستكەوتەكانی 32 ساڵەی ئازادی و دیموكراسیی رووی لە هەموو هێزە سیاسییەكانی وڵاتە بۆ ئاشتییەكی سەربەرزانە و دادپەروەرانە، رووی لە كچان و كوڕانی كوردەوارییە تا پێكەوە خاوەندارێتی لە پەیامی هەمیشە نوێبونەوەی راپەڕین بكەن و پێكەوە بەخەباتی دیموكراتی و مەدەنی و هەڵبژاردن ویستی جیاكاری و مەیلی پاشەكشێ لە ئازادی و دیموكراسیی بەرپەرچ بدەینەوە”.
لە بەشێکی دیکەی پەیامەکەشدا هاتووە، “ساڵ لەدوای ساڵ نەوەیەكی تازە دێنە كۆڕی ژیانی سیاسیی و گشتییەوە و روانینی نوێیان بۆ كوردستان و بۆ راستكردنەوەی ئەزموونی حوكمڕانی وڵاتەكەمان هەیە و هەقیشیانە بە نەفەسی رەخنەگرانە و بە پەرۆشی پەیامی جارانی راپەڕینەوە ویست و ئیرادەی تازە لە خۆیان نیشان بدەن”.
لە کۆتایی پەیامەکەشدا ئاشکرایکرد، “یەكێتیی نیشتمانیی كوردستان بە گیانی هەمیشە زیندووی راپەڕین و بۆ پارێزگاری لە دەستكەوتەكانی 32 ساڵەی ئازادی و دیموكراسیی رووی لە هەموو هێزە سیاسییەكانی وڵاتە بۆ ئاشتییەكی سەربەرزانە و دادپەروەرانە، رووی لە كچان و كوڕانی كوردەوارییە تا پێكەوە خاوەندارێتی لە پەیامی هەمیشە نوێبونەوەی راپەڕین بكەن و پێكەوە بەخەباتی دیموكراتی و مەدەنی و هەڵبژاردن ویستی جیاكاری و مەیلی پاشەكشێ لە ئازادی و دیموكراسیی بەرپەرچبدەینەوە، كە ئەمە داخوازی رەوای كوردەواری سەدەی بیست و یەكە و پابەند بوون و رێزگرتنیشە لە خەباتی دەیان ساڵەی گەلەكەمان و شەهیدە سەربەرزەكانی كاروانی دوورودرێژی شۆرش و راپەڕینەكانی”.
