دەزگای ئاسایشی نیشتیمانيی عێراق دەستگیركردنی پێنج كەسی بەتۆمەتی تیرۆر لە پارێزگای كەركوك ڕاگەیاند.
شانەی ڕاگەیاندنی ئەمنیی عێراق بڵاویكردووەتەوە، ئەو پێنج كەسە سەر بە تیرۆریستانی داعش بوون و لە دیوانی بەسەربازگرتن و پشتیوانی لۆجیستی كاریان كردووە.
شانەی ڕاگەیاندنی ئەمنیی عێراق ئاماژەی بەوەكردووە، دوای وەرگرتنی وتەكانیان ڕەوانەی دادگا كراون و ڕێكاری یاساییان بەرامبەر دەگیرێتەبەر.
