به‌ره‌به‌یانی ئەمڕۆ به هۆی رووداوێكی هاتووچۆوه له‌سه‌ر رێگای دوكان سلێمانی له ئاستی ناحیه‌ی پیره‌مه‌گرون كه‌سێك گیانیله‌ده‌ستدا كه شۆفێری ئۆتۆمبێله‌كه‌یه.
بەڕێوەبەرایەتیی هاتوچۆی سلێمانی بڵاویکردەوە، “كاتژمێر 3:15 خوله‌كی به‌ره‌بەیانی ئەمڕۆ ئۆتۆمبێلێک لە جۆری تۆیۆتا لاندکرۆزەر له‌سه‌ر رێگای دوكان سلێمانی له ئاستی ناحیه‌ی پیره‌مه‌گرون وەرگەڕا و بەهۆیەوە شۆفێرەکەی بە سەختی برینداربوو و دواتر گیانیلەدەستدا”.
ئاماژەی بەوەش کرد، ” به پێی هێڵكاری تیمه‌كانی هاتووچۆ ده‌ركه‌وتووه هۆكاری رووداوه‌كه خێرایی و پابه‌ند نه‌بوون بووه به یاسا و رێنماییه‌كانی هاتووچۆوه”.
لە ماوەی 24 کاتژمێری رابردوودا جگە لەم رووداوە سێ رووداوی دیکە روویانداوە و بەهۆیانەوە چوار کەس برینداربوون.
