بەیانی ئەمڕۆ لە سەر رێگای کەلار – خانەقین نزیک ساڵەح ئاغا بەهۆی پێکدادانی دوو ئۆتۆمبێلەوە پێنج کەس برینداربوون و رەوانەی نەخۆشخانە کران.
بەڕێوەبەرایەتیی هاتوچۆی گەرمیان بڵاویکردەوە، “بەیانی ئەمڕۆ بەهۆی پێکدادانی دوو ئۆتۆمبێلی جۆری جێب لاریدۆ و تۆیۆتا هایلۆکس لە سەر رێگای کەلار – خانەقین نزیک ساڵەح ئاغا پێنج کەس برینداربوون”.
ئاماژەی بەوەش کرد، “رووداوەکە بە شێوەیەک بووە ئۆتۆمبێلی جۆری جێب بە ئاراستەی قەزای خانەقین رۆیشتووە و ئۆتۆمبێلی جۆری تۆیۆتا هایلۆکس بە ئاراستەی کەلار هاتووە لە نزیک ساڵەح ئاغا پێکیانداداوە، چوار لە بریندارەکان لە ئۆتۆمبێلی جۆری جێبدا بوون دوو پیاو دوو ئافرەت کە خوشک و بران و دانیشتووی سلێمانین”.
ئاشکراشیکرد، “ئۆتۆمبێلی جۆری تۆیۆتا هایلۆکس تەنها شۆفێرەکەی تێدا بووە و بریندارە، دانیشتوی قەزای کەلارە و لەدایکبووی ساڵی 2000ە، بەپێی لێکۆڵینەوە سەرەتاییەکان رووداوەکە بە هۆی تێپەڕاندنی هەڵەوە روویداوە، لێکۆڵینەوە لەلایەن تیمی هاتووچۆوە لە رووداوەکە بەردەوامە”.
