ئەستێرەی نەرویجی یانەی بوروسیا دۆرتمۆند، ئێرلینگ هالاند دووپاتیدەکاتەوە، لە بواری تۆپی پێدا ڕێچکەی کریستیانۆ ڕۆناڵدۆ و زڵاتان ئیبتاهیمۆڤیچی گرتووە.
بەهرەدارەکەی نەرویج لە چاوپێکەوتنێکدا ڕایدەگەیەنێت، کە لە ژیانی وەرزشییدا سوودی لە ئەزموونی کریستیانۆی ئەفسانەی زیندووی پۆرتوگال و زڵاتان ئیبراهیمۆڤیچی سویدی ئەستێرەی یانەی ئەی سی میلان وەرگرتووە.
هالاند دەڵێت، ” دوو پاڵەوان، دوو دیاردەی تۆپی پێ، بینینیان لە سکرینی تەلەفزیۆنەکانەوە سەرسامیکردم، ئەوان نمونەن بۆ زۆرینەی یاریزانان بە منیشەوە، ڕۆناڵدۆ و زڵاتان دوو دیاردەن ئێمە لاساییان دەکەینەوە تاوەکو لە بوارەکەدا بەوپەڕی ئاستبەرزییەوە بەردەوامبین”.
هەروەها دەڵێت، ” بەدەستهێنانی نازناوی خولی یانە پاڵەوانەکانی ئەوروپا خەونێکی گەورەیە، دەمەوێت لەگەڵ یانەی بوروسیا دۆرتمۆند دەستەبەری بکەم”.
نیشانەشکێنەکەی نەرویج بەدرێسی یانەی بوروسیا دۆرتمۆندەوە تاوەکو ئێستا 32 یاری ئەنجامداوە، لە کۆی 2408 خولەک یاریکردن 33 گۆڵی تۆمارکردووە، نێوەندی ڕێژەی تۆمارکردنی گۆڵی لە هەر یارییەکدا 1.97 گۆڵ بووە، بەهۆی ئاستە ناوازەیەکەوە سەرنجی زۆرینەی یانە زەبەلاحەکانی ڕاکێشاوە و تەنها لەم وەرزەی خولی ئەڵمانیا لە کۆی 14 یاری 17 گۆڵی تۆمارکردووە.
