یانەی ڕیاڵ مەدریدی ئیسپانی، تاوتوێی نوێکردنەوەی گرێبەستی دووان لە یاریزانە ئەزمووندارەکانی دەکات.
ڕۆژنامەکانی “مارکا و ئەی ئێس” ئاشکرایانکردووە، ناچۆ فێرناندێز و تۆنی کرووس بڕیاریانداوە ڕیاڵ مەدرید بخەنە پێشەنگەوە و ئەو ئۆفەرانە ڕەتبکەنەوە، کە لەلایەن یانەکانی دیکەوە پێیان گەیشتووە.
Toni Kroos has not changed his plans: the idea has always been to retire at Real Madrid as he loves the club ⚪️🇩🇪 #RealMadrid
The final decision will be whether to stay for at least one more year or retire from football.
Real Madrid, waiting & prepared to offer him a new deal. pic.twitter.com/pBv973Zaex
— Fabrizio Romano (@FabrizioRomano) February 22, 2023
ئیدارەی “لۆس بلانکۆس” بڕیاریداوە گرێبەستی دووانەی ناوبراو بۆ ماوەی وەرزێک نوێبکاتەوە، لە دوای ئەو وادەیەش تۆنی کرووس وازهێنان ڕادەگەیەنێت، لە بەرامبەردا لێکدانەوە بۆ تواناکانی ناچۆ دەکرێت و ئەگەرەکانی مانەوە و ڕۆیشتنی لەسەر بڕیاری ڕاهێنەر و تواناکانی دەوەستێت.
فابریزیۆ ڕۆمانۆی شارەزای بواری گواستنەوەکان، هەمان ئەو زانیارییانەی پشتڕاستکردووەتەوە و نووسیویەتی، تۆنی کرووس نایەوێت دوای ڕیاڵ مەدرید درێسی هیچ یانەیەک بپۆشێت و هەر لەو یانەیە وازهێنانی یەکجارەکی ڕادەگەیەنێت.
