ئیدارەی یانەی ڕیاڵ مەدرید لیستی هاتووانی بۆ بازاڕی گواستنەوەکانی هاوینەی 2022 ئامادە کردووە، نگولۆ کانتی یاریزانی هێڵی ناوەڕاستی یانەی چێڵسی لەنێو لیستەکەدایە.
بەگوێرەی زانیارییەکانی ڕۆژنامەی “ئەی ئێس”ی ئیسپانی، کانتی 31 ساڵ وەک ئامانجێکی ڕاستەقینە و گرنگ لەلایەن بەڕێوەبەرانی ڕیاڵ مەدریدەوە پێناسە دەکرێت، بەڵام کێشەکە لە زۆری تەمەنیدایە و لە ئێستاشدا چەند یاریزانێک باشتر دەرکەوتوون.
ڕیاڵ مەدرید، ئۆریلیان چوامینی 22 ساڵی وەک داواکراوی سەرەکی دەستنیشانکردووە، ئەگەر لەواژووکردنی گرێبەستەکەشیدا سەرکەوتوو نەبوون، هەوڵ دەدەن بە نرخێکی داشکێنراو هەوڵ بۆ کانتی هاونیشتمانی بدەن..
کانتی تاوەکوو 2023 بۆندی لەگەڵ چێڵسی واژووکردووە و گرنگی پێ دەدرێت، بەڵام بەهۆی ئەو قەیرانەی ڕووی لە یانە شینەکە کردووە، ڕەنگە لە هاوینی 2022 دەستبەرداری چەند یاریزانێکیان ببن.
