کریستیانۆ ڕۆناڵدۆی ئەفسانەی پۆرتوگال، گۆڕانکاری لە هزر و بیرکردنەوەی یاریزانانی یانەی نەسڕی سعوودی-دا دروستکردووە و هەمووانی خستووەتە سەر ئاراستەی خۆی.
بەپێی زانیارییەکانی خوسێ بلێسا، پسپۆری بواری خۆراک کە بەتایبەت کار لەگەڵ کریستیانۆدا دەکات، یاریزانە پۆرتوگالییەکە لە سعوودیە تەواوی سیستەمی خۆراک و مەشقکردنی گۆڕیوە، سەیر لەوەدایە سەرجەم یاریزانانی نەسڕ دەستیانکردووە بە جێبەجێکردنی هەمان سیستەم و پلان.
Happy founding day to Saudi Arabia 🇸🇦
Was a special experience to participate in the celebration at @AlNassrFC ! pic.twitter.com/1SHbmHyuez— Cristiano Ronaldo (@Cristiano) February 22, 2023
بلێسا بە میدیاکانی وتووە، “کریستیانۆ یارمەتیدەرە لە جێبەجێکردنی پلانەکان، ئێمە لێرەوە ناتوانین هیچی فێربکەین، بەڵکو هەندێکجار سەردانی دەکەین، بینیم لە نەسڕ قوتابخانەیەکی لە چواردەوری خۆی بونیادناوە و مێنتاڵی هەر (29) یاریزانەکەی دیکەی گۆڕیوە، ئەوەی ئەو دەیکات یاریزانەکانی دیکەش دەیکەنەوە، ئاستی هەموویان ببەرزبووەتەوە و ماسولکەکانیان باشتر کاردەکات.”
پسپۆرەکە دووپاتیدەکاتەوە، ئەوەی ڕوودەدات سەرسوڕهێنەرە، چونکە لە ماوەیەکی کەمدا لەسەددا 90ی ماسولکەی جەستەی یاریزانانی نەسڕ بەهێزتر بووە، ڕێجیمەکەی کریستیانۆ لەنێوانیاندا بووەتە باو، ئەوەی ئەو دەیکات، ئەوان دووبارەی دەکەنەوە.
