تیمی پارێزەرانی سەرۆک بافڵ جەلال تاڵەبانی ئاشكرایكرد، ئەنجومەنی باڵای دادوەریی عێراق، لە بەرژەوەندیی یەکێتیی نیشتمانیی کوردستان و سەرۆک بافڵ جەلال تاڵەبانی بڕیاری دا بەوەی سەرۆک بافڵ سەرۆکی یەکێتیی نیشتمانیی کوردستانە.
تیمی پارێزەرانی سەرۆک بافڵ جەلال تاڵەبانی رایگەیاند، ئەمڕۆ ئەنجومەنی باڵای دادوەریی عێراق، دەستەی دادوەرانی هەڵبژاردن بڕیاری کۆتایی لەبارەی دۆسیەکەی ( لاهور جەنگی) دەرکرد بەوەی سەرۆک بافڵ، سەرۆکی یەکێتیی نیشتمانیی کوردستانە و تەواوی رێکارەکان یاسایین.
جەختیشدەكاتەوە، “بڕیارەکە لە بەرژەوەندیی یەکێتیی نیشتمانیی کوردستان و سەرۆک بافڵ جەلال تاڵەبانی دەرچووە و بڕیارەکە بە هیچ جۆرێک شیاوی تانەلێدان نییە”.
