ئەنجومەنی نوێنەران، وەرزی یاسادانانی خۆی درێژكردەوە و پشووی بەهارەی دواخست و پرۆسەی دەنگدانی لەسەر دوو پڕۆژەیاسا بەڕێوەبرد.
كەمێك لەمەوبەر ئەنجومەنی نوێنەران بە زۆرینەی دەنگی ئەندامانی ئامادەبووی دانیشتنەكە، وەرزی یاسادانانی خۆی درێژكردەوە و پشووی بەهارەی تا دوای پەسەندكردنی پڕۆژەیاسای بودجە دواخست.
لە دانیشتنەكەی ئەمڕۆیدا كە 192 ئەندام بەشدارییان تیاداكرد، ئەنجومەنی نوێنەران دەنگی دا بە پڕۆژەیاسای بوونی عێراق بە ئەندامی رێككەوتننامەی دامەزراندنی بانكی ئەوروپی بۆ ئاوەدانكردنەوە و پەرەپێدان، هەروەها پڕۆژەیاسای بوونی عێراق بە ئەندامی رژێمی بنەڕەتیی رێكخراوی ئیسلامی بۆ ئاسایشی خۆراك.
