هاتوچۆی سلێمانی دەڵێت، کارەکانی بەشی مۆڵەت دەستپێدەکەنەوە.
لە راگەیەندراوێكدا بەڕێوەبەرایەتیی گشتیی هاتوچۆی سلێمانی رایگەیاند، “دوای تەواوبوونی چاکسازی و ئەپدەیتکردنی بەرنامەی بەشی مۆڵەت، سبەینێ سێشەممە بەشی مۆڵەت بە شێوەیەکی ئاسایی دەستدەکاتەوە بە کارەکانی و راییکردنی مامەڵەی هاوڵاتییان”.
ئەو هاوڵاتییانەی رۆژی پێنجشەممەی رابردوو مامەڵەکانیان تەواونەکرابوون، هاتوچۆی سلێمانی دەڵێت، دەتوانن سبەینێ سەردانی بەڕێوەبەرایەتیی هاتوچۆی سلێمانی – بەشی مۆڵەت بکەن بە مەبەستی تەواوکردنی مامەڵەکانیان.
ئاماژە بۆ ئەوەش دەكات كە هاوڵاتییان دەتوانن ئەمشەو کاتژمێر 07:00 لە رێگەی ماڵپەڕی هاتوچۆی سلێمانییەوە نۆرە بگرن بە مەبەستی وەرگرتنی کۆدی ئەلیکترۆنی بۆ سەردانکردنی بەشی مۆڵەت.
