سەرۆكی لیژنەی دابەشكردنی زەوی لە سلێمانی رایدەگەیەنێت، لە ئەنجومەنی وەزیرانەوە ناوی شەش هەزار فەرمانبەر گەڕاوەتەوە و رەزامەندی دراوە زەوییان پێبدرێت و لە چەند رۆژی داهاتوودا تیروپشك بۆ ناوەكانیان دەكرێت.
تەلار نەجات، سەرۆكی لیژنەی دابەشكردنی زەوی لە سلێمانی لە لێدوانێكیدا رایگەیاند، لە مانگی ئایاری ئەمساڵەوە لیژنەیەك بۆ پێدانی زەوی بە فەرمانبەران پێكهێندراوە و دەستبەكاربوون و كاركراوە كە رێكارەكانی پێدانی زەوی بە فەرمانبەران خێراتربكرێن و بە زووترین كات فەرمانبەران سوودمەندبن.
وتیشی، ” لە ئەنجومەنی وەزیرانەوە ناوی شەش هەزار فەرمانبەر گەڕاوەتەوە و رەزامەندی لەسەر دراوە و چاوەڕواندەكرێت لە چەند رۆژی داهاتوودا تیروپشك بۆ ناوەكانیان بكرێت لە هەمانکاتدا تاوەكو ئەم ساتەوەختەش پێویستمان بە فراوانكردنی ماستەرپلانی سلێمانی نەبووە.
