قوباد تاڵەبانی سەرپەرشتیاری سكرتاریەتی سەرۆك مام جەلال دەڵێت، “شەهیدەکانمان شوناس و ناسنامەی خۆمان و یەکێتییەکەمانن، کەسوکاری شەهیدەکانیشمان ورە و هێزن بۆمان”.
وتەكەی قوباد تاڵەبانی بەشێكە لە پەیامێك كە ئەمڕۆ دوای پێشوازیكردنی لە خانەوادەی شەهید ئەندازیار سەردار غەفور بڵاویكردەوە و رایگەیاند، “ئەمڕۆ لە سلێمانی چاومکەوت بە خانەوادە و کەسوکاری شەهیدی نەمر ئەندازیار سەردار غەفوری قارەمان، کە یەکێک بووە لە تێکۆشەرە دڵسۆز و بەوەفاکانی رێگەی کوردایەتی و رێبازی سەرۆک مام جەلال، ئەو جێی متمانەی هەڤاڵانی بوو و لەبەر بوێری و لێهاتوویی چەندین رۆڵی بینییەوە لە بەجێگەیاندنی ئەرکی خەبات و تێکۆشان”.
دەشڵێت، “دروود بۆ گیانی پاکی شەهید سەردار و هەموو شەهیدانی گەلەکەمان”.
