ئهمشهو پێنجشهممه، یارییەکانی چوونی قۆناغە یەکلاکەرەوەکانی خولی ئهوروپی “یوروپا لیگ” ئهنجامدران، یانهکانی بەرشلۆنە و مانچستەر یونایتد یەکسانبوون.
له ڕووبهڕووبوونهوەیەکی بەهێزدا، یانهی بەرشلۆنەی ئیسپانی له یاریگای “کامپ نو” میوانداریی مانچستەر یونایتدی ئینگلیزی کرد.
یارییهکه بە ئەنجامی یەکسانبوون (2-2) کۆتاییهات.
گۆڵەکانی مانچستەر یونایتد له خولهکەکانی 53، 59 لهلایهن مارکۆس ڕاشفۆرد و جول کوندی (بەهەڵە) تۆمارکران، گۆڵەکانی بارسا له خولهکەکانی 50، 76 لهلایهن مارکۆس ئەلۆنسۆ و ڕافینیاوە تۆمارکران.
ئەنجامەکە بۆ هیچ یەکێک لە جەمسەرەکان یەکلاکەرەوە نەبوو، بەڵام مانچستەر یونایتد لە یاریی گەڕانەوەدا چانسێکی باشتری دەبێت، بەوپێیەی لە نێو یاریگا و هاندەرانیدا “ئۆڵد ترافۆرد” یاریدەکات، لەکاتێکدا بەرشلۆنە لە تواناکانی گاڤی و بوسکێتس بێبەشدەبێت.
ئەنجامەکانی دیکە بەم جۆرە بوون:
شاختار دۆنێتسک 2-1 ستاد ڕینس
ئەیاکس ئەمستەردام 0-0 یونیۆن بەرلین
ڕێدبوڵ سالزبۆرگ 1-0 ڕۆما
