بەڕێوەبەرایەتیی پۆلیسی راپەڕین رایدەگەیەنێت، كەسێك بە تۆمەتی دزینی 11 جووت باڵندەی كۆكتێل دەستگیركرا.
بەپێی راگەیەندراوێكی بەڕێوەبەرایەتیی پۆلیسی راپەڕین كە وێنەیەكی دەست تۆڕی میدیایی ئێستا كەوتووە و تێیدا هاتووە، “دوای ئەوەی هاوڵاتییەك سەردانی بنكەی پۆلیسی حاجیاوای كرد بە مەبەستی تۆماركردنی سكاڵا كە بە ووتەی خۆی 11 جووت باڵندەی جۆری كۆكتێلی لێدزراوە”.
لە راگەیەندراوەكەدا هاتووە، بۆ ئەم مەبەستە پەڕاوی لێكۆڵینەوەی بۆ كراوەتەوە كە بە بڕیاری دادوەر و بەسوود وەرگرتن لە كامێراكانی چاودێری كەسێك دەستگیربكەن كە لە دایكبووی ساڵی 2003 بووە.
ئاماژە بۆ ئەوەش كراوە، دوای لێكۆڵینەوە لەگەڵ تۆمەتبارەكەدا دانی ناوە بە تاوانەكەیدا كە هەڵساوە بە دزینی باڵندەی گرانبەها لە دوكانێكی بازاڕی قەزای حاجیاوا و بە بڕیاری دادوەر و بەپێی ماددەی 443 لێكۆڵینەوە لەگەڵیدا بەردەوامە.
