بەڕێوەبەرایەتیی هاتوچۆی گەرمیان رایدەگەیەنێت، بەهۆی رۆچوونەوە، بەشێکی رێگەی سەیرانگەی سەرتەک خراپ بووە.
بەڕێوەبەرایەتیی هاتوچۆی گەرمیان بڵاویکردەوە، بەشێک لە رێگەی سەیرانگەی سەرتەک “تەنگی سەرتەک” بەهۆی رۆچوونەوە خراپ بووە و مەترسییە بۆ هاتوچۆکردنی ئۆتۆمبێل، بەتایبەت ئۆتۆمبێلی بارهەڵگر، کارمەندانی هاتوچۆی مەیدان، بەربەستیان بۆ داناوە.
داواش لە شۆفێران دەکات، بە وریاییەوە شۆفێری بکەن، بۆ ئەوەی بەدووربن لە رووداوی نەخوازراو، تاوەکو چارەسەرکردنی لەلایەن لایەنی پەیوەندیدارەوە.
