مافەكانی ژنان پاشەكشە لە سەرتاسەری جیهاندا پاشەكشەی كردووە، ئەو پرسەی رێكخراوە مافدۆستەكان لە راپۆرتێكدا هۆشداری لەبارەوە دەدەن و رێنوێنی دەكەن بۆ لەپێشینەدانانی لە تابلۆی دیپلۆماسیدا.
لە رەتكردنەوەی مافی لەباربردن لەلایەن دادگای باڵای ئەمریكاوە، بۆ رێگری لە خوێندنی ژنان و ئەنجامدانی هەندێك ئەرك لەلایەن بزوتنەوەی تاڵیبانەوە لە ئەفغانستان، بۆ ئەو كۆتوبەندانەی خراونەتەسەر گەیشتن بە هۆكارەكانی رێگری لە سكپڕی لە پۆڵەندا، بەشێك لەو پرسانەن كە رێكخراوەكانی نیگەران كردووە.
راپۆرتێك كە ئەمڕۆ لەلایەن دامەزراوەی جان جۆریس و كۆمەڵەی ئیكیبوب بۆ بەرگری لە مافەكانی ژنان دەرچووە، ئیدانەی زیادبوونی پێشێلكارییەكانی مافەكانی مرۆڤ “لە سەرجەم ناوچەكانی جیهاندا” دەكات.
ئاژانسی فرانس پرێس لە زاری لوسی دانیال، بەرپرس لە كۆمەڵەی ئیكیبوب وتی، هیچ ناوچەیەك پارێزراو نییە لەو پاشەكشەیەی روودەدات كاتێك “كۆمەڵە جیاوازەكان دژ بە مافەكانی مرۆڤ كۆدەبنەوە”.
راپۆرتەكە دەڵێت، لایەنە دژەكان بە مافەكانی ژنان “زۆرینەی جار لەڕێی هاوپەیمانیی نەگونجاوەوە پێكدەهێنرێن”، لەوانەی كۆمەڵەی سیاسیی راستڕەوی پەرگیر و، بزوتنەوەی ئایینییەكان.
ئەم بزوتنەوە و كۆمەڵانە “خاوەن رێكخستنێكی باشن”، و “پێكەوە گرێدراوی یەكترین”، كە رێگەیان پێدەدات رێگری لە پێشكەوتن یان هێشتنەوەی بارودۆخی ئێستا وەك خۆی یاخود بوونە هۆكاری شكست لە مافەكاندا بكەن، راپۆرتەكە رێنوێنی دەكات بە زیادكردنی پاڵپشتیی دارایی “بەشێوەیەكی گەورە” بۆ كۆمەڵە و رێكخراوەكانی ژنان و هەنگاونان بۆ ئەوەی هەوڵ و هەنگاوەكانی ژنان “ببنە پرسی پێشینە لە دیپلۆماسیەتدا”.
