قوباد تاڵەبانی و جەلال شێخ ناجی سەرۆکی ئاژانسی پاراستن و زانیاری/ زانیاری کۆبوونەوە و پێشهات و گۆڕانکارییە سیاسی و ئەمنییەکان و پێویستیی هاریکاری نێوان دەزگا هەواڵگرییەکانی هەرێم و عێراق تاوتوێكران.
کۆبوونەوەکە، کە لە بارەگای ئاژانسی پاراستن و زانیاری/ زانیاری بەڕێوەچوو، تیایدا پێشهات و گۆڕانکارییە سیاسی و ئەمنییەکان تاوتوێکرا و تەئکید لە یەکخستنی هەوڵ و هەماهەنگییەکان لەنێوان هێزە ئەمنییەکانی هەرێم کرایەوە لەپێناو پاراستنی ئاسایشی نیشتمانی کوردستان، وەك ئەوەی لە راگەیەندراوەكەیدا هاتووە.
هەروەها بە گرنگییەوە پێویستیی هاریکاری نێوان دەزگا هەواڵگرییەکانی هەرێم و عێراق باسیان لێوەکرا و دووپات لە بەردەوامیان کرایەوە بۆ رووبەڕووبوونەوەی تیرۆر و مەترسییەکان و بەرقەراترکردنی ئاسایش و سەقامگیری.
لە بەشێکی دیكەی کۆبوونەوەکەدا چەندین پرسی تری پەیوەست بە دۆخی ئەمنی و ئاسایش و ئارامی گفتوگۆیان لەبارەوەکرا و دوای هەڵسەنگاندنیان بڕیاری پێویستیان لەبارەوە درا.
