وەزارەتی دەرەوەی عێراق رایدەگەیەنێت، ژمارەی ئەو عێراقییانەی لە بومەلەرزەكەی دووشەممە گیانیان لەدەستداوە بۆ 11 كەس بەرزبووەوە.
ئەحمەد سەحاف، وتەبێژی وەزارەتی دەرەوەی عێراق لە راگەیەندراوێكدا ئامارە نوێیەكەی ئاشكراكرد و رایگەیاند، سەرجەمیان لە توركیا گیانیان لەدەستداوە.
وتیشی، “تیمە مەیدانییەكانمان لە ناوچە جیاوازەكانی زەرەرمەند بە بومەلەرزە هەن”.
دووپاتیشیكردەوە، بەردەوامن لە پێدانی پاسپۆرت بەوانەی پاسپۆرتەكانیان لەو وڵاتە بەهۆی رووداوەكەوە لەدەستداوە.
بەرەبەیانی دووشەممەی رابردوو 6ی شوبات بومەلەرزەیەك بە گوڕی 7.8 پلەی رێختەر لە ناوەندی پارێزگای مەرەش روویدا و زیانی گەورەی گیانی و ماددی بە چەند ناوچە و پارێزگایەك لە باكوور و رۆژئاوای كوردستان، توركیا و سوریا گەیاند.
بەهۆی بومەلەرزەكەوە تا ئەمڕۆ گیانلەدەستدانی نزیكەی 37 هەزار كەس راگەیەندراوە.
