سەرۆكایەتیی بەڕێوەبردنی كارەسات و دۆخی لە ناكاوی تورکیا بڵاویکردەوە، ئەمڕۆ بومەلەرزەیەکی دیکە غازی عەنتابی هەژاندووە.
سەرۆكایەتیی بەڕێوەبردنی كارەسات و دۆخی لە ناكاوی تورکیا بڵاویکردەوە، “کاتژمێر 3:00 ی پاش نیوەڕۆی ئەمڕۆ بومەلەرزەیەک ناوچەی ئیسڵاحییەی لە غازی عەنتاب هەژاندووە”.
ئاماژەی بەوەش کرد، “بومەلەرزەکە بە گوڕی 4.6 پلە بە پێوەری رێختەر روویداوە.
ئەمڕۆ یەک هەفتە بەسەر بومەلەرزە بەهێزەکەی تورکیا و سوریادا تێدەپەڕێت، کە بووە هۆی گیانلەدەستدانی زیاتر لە 30 هەزار کەس و برینداربوونی هەزارانی دیکە.
بەپێی زانیارییەکانی سەرۆكایەتیی بەڕێوەبردنی كارەسات و دۆخی لە ناكاوی تورکیا، تا ئێستا زیاتر لە دوو هەزار بومەلەرزە بە گوڕی جیاواز لە سنوورەکە روویداوە.
