لیژنەی ئاسایشی نەتەوە یەکگرتووەکان بڕیاریدا تاوەکو کۆتایی ساڵی 2026 سەرجەم هێزە ئاشتیپارێزەکانی نەتەوە یەکگرتووەکان لە باشووری لوبنان بکشێنەوە.
لیژنەی ئاسایشی نەتەوە یەکگرتووەکان لە راگەیەندراوێکدا بڵاویکردەوە، “بە کۆی دەنگ گەیشتینە ئەو ئەنجامەی تاوەکو کۆتایی ساڵی 2026 سەرجەم هێزە ئاشتیپارێزەکانی نەتەوە یەکگرتووەکان کە ژمارەیان زیاتر لە 10 هەزار کەسە، بە تەواوی لە باشووری لوبنان بکشێنەوە”.
ئەم بڕیارە پاش ئەوەدێت، ساڵی رابردوو ئەمریکا و ئیـ.ـسـ.ـرائیل بەهۆی جەنگ لەو ناوچانەی لوبنان، داوایان لە نەتەوە یەکگرتووەکان کرد ماوەی مانەوەی هیزە ئاشتیپارێزەکان لە باشووری لوبنان درێژبکەنەوە و لەگەڵ حکومەتی لوبنان هەماهەنگ بن.
هێزی ئاشتیپارێزی نەتەوە یەکگرتووەکان لە لوبنان لە ساڵی 1978ەوە دروستبووە، لەو کاتەوە رۆڵی کاریگەریان گێڕاوە لە بەرقەرارکردنی ئاشتی و ئاسایش لە ناوخۆ و سنوورەکانی باشووری لوبنان.
