وەزارەتی کارەبای حکومەتی هەرێمی کوردستان سەرجەم بەڕێوەبەرایەتییەکانی سەر بە وەزارەتەکەی ئاگاداردەکاتەوە کە چاودێریی ژمارە تەلەفۆنەکانی خزمەتگوزاریی چاککردنەوەی کارەبا بکەن و دەڵێت، “هەر فەرمانبەرێک کەمتەرخەمبێت سزادەدرێت”.
لە راگەیەندراوێکدا وەزارەتی کارەبا دەڵێت، “داوا لەسەرجەم بەڕێوەبەرایەتییە گشتییەكان لە پارێزگا و ئیدارە سەربەخۆكان دەکەین، چاودێری و بەدواداچوونی ژمارە تەلەفۆنەكانی خزمەتگوزاریی هاوڵاتییان لە بەش و بنكە و فەرمانگەكانیان بكەن”.
ئاماژەی بەوەکردووە، “هاوڵاتییان تێبینی و سكاڵایان كردووە سەبارەت بە وەڵامنەدانەوەی پەیوەندییەكانیان بەپێی پێویست”، وەزارەت جەختدەکاتەوە، “هەر فەرمانبەرێك لە پێشكەشكردنی ئەم خزمەتگوزارییە گرنگە كەمتەرخەم بێت رووبەرووی سزای یاسایی دەبێتەوە”.
ژمارە تەلەفۆنەکانی وەزارەتی کارەبا بۆ خزمەتگوزاریی چاککردنەوە پەیوەستە بە هەر کێشەیەک کە لە پێوەری زیرەکی ماڵاندا دروست ببێت بۆئەوەی لە ماوەیەکی کەمدا لەلایەن تیمەکانەوە چارەسەربکرێت.
