وەزارەتی رۆشنبیری و لاوان دەڵێت، “ئەمساڵ لە هەرێمی كوردستان ئاهەنگەكانی ڤالانتاین ئەنجامنادرێن”.
نامیق هەورامی وتەبێژی وەزارەتی رۆشنبیری و لاوانی هەرێم رایگەیاند، “وەك دەربڕینی هاوخەمییەك بۆ قوربانییانی بومەلەرزەكەی باكوور و رۆژئاوای كوردستان، ئاهەنگەكانی ڤالانتاین و سەرجەم ئاهەنگەكانی دیكە لە هەرێمی كوردستان رادەگرین”.
14ی شوباتی هەموو ساڵێك بە رۆژی خۆشەویستی ناسێندراوە و ساڵانە لە هەرێمی كوردستانیش چەند چالاكییەك بەڕێوەدەچێت.
