بەرگریکاری ئیسپانیی یانەی پاریس سان جێرمان، سێرجیۆ ڕامۆس ستایشی لیۆ مێسی هاوڕێی دەکات و بە باشترینی مێژووی تۆپی پێ ناویدەبات.
دوای ململانێیەکی توندی (10) ساڵەی نێوان سیرجیۆ ڕامۆس و لیۆ مێسی بە درێسی یانەکانی ڕیاڵ مەدرید و بەرشلۆنەوە، دواجار دوو ناوە گەورەکە لە پاریس سان جێرمان یەکیانگرتەوە.
لە نوێترین چاوپێکەوتندا لەگەڵ کەناڵی ” PSG TV”، ڕامۆس دەڵێت، “دوای چەندین ساڵ ئازارچەشتن لە یاریکردن بەرامبەر لیۆ مێسی، ئێستا چێژ لە هاوڕێیەتی و تواناکانی دەبینم.”
How times have changed 😏 pic.twitter.com/jSfnGtun49
— ESPN FC (@ESPNFC) February 4, 2023
لە درێژەی قسەکانیدا دەڵێت، “دەتوانم بە ڕاستگۆیی پێتان بڵێم، لیۆ باشترین یاریزانی تۆپی پێیە، باشترین یاریزانە تۆپی پێ بەرهەمیهێناوە بە درێژایی مێژوو.”
ڕامۆس بۆ ماوەی نزیکەی (10) ساڵ شانبەشانی کریستیانۆ ڕۆناڵدۆ بە درێسی ڕیاڵ مەدریدەوە یاریکرد، بەڵام دوای گۆڕینی یانەکەی، دانی بەوەدا نا کە مێسی لە سەروو هەمووانەوەیە.
