بەشێک لە هاندەرانی یانەی ڕۆما گەمارۆی ماڵی نیکۆلۆ زانیۆلۆ-یان داوە، هەڕەشەی کوشتنیشیان لێکردووە.
شەوی ڕابردوو دوای دۆڕاندنی ڕۆما بەرامبەر ناپۆلی لە هەفتەی (20)ی خولی ئیتاڵیا، ئاڵتراسی ڕۆما چوونەتە بەردەم ماڵی زانیۆلۆ و دروشمی، “نەفرەتت لێبێت، دۆڕاندنمان بەهۆی تۆوەیە.. بڕۆ”یان وتووەتەوە.
بەپێی زانیارییەکانی “کالچیۆ مێرکاتۆ”، هەندێک لەو هاندەرانە هەوڵیانداوە بچنە نێو ماڵی یاریزانەکە و هەڕەشەی کوشتنیان لێکردووە.
Sarà un finale di stagione
Bellissimo 😅😅😅#Zaniolo #ASRoma pic.twitter.com/pf82ClAvAE— fabrizietto67 (@fabrizietto67) January 30, 2023
زانیۆلۆ ناچاربووە لە پێناو پاراستنی خۆی و خێزانەکەیدا پەیوەندی بە پۆلیسەوە بکات، لەگەڵ گەیشتنی پۆلیسیشدا هاندەرە سەرکێشەکانی “جێلاڕۆسی” بڵاوەیانکردووە.
ڕۆما بڕیاریدا تاوەکو کۆتایی وەرز زانیۆلۆ دووربخاتەوە، دوای ئەوەی ڕەتیکردەوە گرێبەستەکەی نوێ بکاتەوە و لە هەمان کاتیشدا ئامادە نەبوو بە بڕی (30) ملیۆن یۆرۆ پەیوەندی بە یانەی بۆرنمۆسەوە بکات.
