خۆپیشاندان دژی بەرزبوونەوەی بەهای دۆلار دەستیپێكرد

ئەمڕۆ چوارشەممە لە بەردەم بانكی ناوەندی لە بەغداد، خۆپیشاندان دژی بەرزبوونەوەی بەهای دۆلار بەرامبەر بە دینار رێكخرا.

خۆپیشاندەران كە ژمارەیان سەدان كەسە و بەشێكیان لە شارەكانی دیكەوە روویان لە شەقامی رەشیدی بەغداد كردووە، داوای دابەزاندنی بەهای دۆلار دەكەن.

لە دروشمەكانیاندا خۆپیشاندەران داواكارن حكومەت رێكاری ئابوریی بەپەلە بگرێتەبەر و نرخی فرۆشتنی دۆلار بگەڕێندرێتەوە بۆ ئاستی فەرمی و لێپرسینەوە لە گەندەڵكاران بكرێت.

جگە لەو دروشم و داواكارییانە، خۆپیشاندەرانی بەغداد لە رێگەی بڵندگۆوە داوا لە محەمەد شیاع سودانی سەرۆك وەزیران دەكەن، لە بەردەم گەلدا گرتنەبەری رێكاری راستەقینە بۆ سووككردنی قەیرانی نرخەكان و گەڕاندنەوەی سەقامگیری بۆ بازاڕ رابگەیەنێت.

بابەتی پێشتر

منداڵێک داوا لە وەزارەتی تەندروستی دەکات بە پشکنینی DNA بوونی سانتا یەکلاییبکەنەوە

بابەتی دواتر

لە سنووری سلێمانی تیرۆریستێک دەستگیرکرا

بابەتی پەیوەندیدار
Total
0
Share