سەرچاوەیەکی باوەڕپێکراوی ئیسپانی جەخت لەوە دەکاتەوە، کە گرێبەستی یەکێک لە یاریزانە گەورەکانی یانەی ڕیاڵ مەدرید نوێ ناکرێتەوە.
بەپێی زانیارییەکانی ڕۆژنامەنووسانی بەشدار لە پرۆگرامی “ئێل شیرینگیتۆ”، کەریم بنزیمە و تۆنی کرووس و لوکا مۆدریچ گرێبەستەکانیان لە هاوینی 2023 کۆتاییدێت، لەو بارەیەشەوە ئیدارەی فلۆرنتینۆ پێرێز بڕیارێکی قورسی داوە.
ئیدارەی “لۆس بلانکۆس” بڕیاریداوە گرێبەستی یەکێک لەو سێ ناوە گەورەیە نوێ نەکاتەوە، بەڵام ئاشکرا نییە کام لەو یاریزانانە ماڵئاوایی دەکەن.
ئەگەرەکان بەو ئاراستەیەن کەریم بنزیمە بەم نزیکانە گرێبەستەکەی تاوەکو هاوینی 2024 نوێبکاتەوە، ئەوەش دەریدەخات کە مۆدریچ و کرووس پێگە و بەردەوامبوونیان لە مەدرید مسۆگەر نییە.
