ئەمڕۆ پێنجشەممە بەهای دۆلاری ئەمریكی بەرزترین ئاستی دوو دەیەی رابردووی تۆماركرد و 100 دۆلار بە 164 هەزار دینارە.
لە بەشێك لە بازاڕەكانی ئاڵوگۆڕكردنی دراو لە هەرێمی كوردستان، ئێستا 100 دۆلاری ئەمریكی بەرامبەر بە 164 هەزار دینارە و لە هەندێك شوێن 100 دۆلار بە 163 هەزار و 500 دینار مامەڵەی پێوەدەكرێت.
بەرزبوونەوەكەی ئەمڕۆی بەهای دۆلار لە بەرامبەر دیناری عێراقیدا، بەرزترین ئاستە لە دوای پرۆسەی ئازادیی عێراق و چاپكردنی دراوی نوێی عێراقی لە دوای رژێمی پێشووەوە.
