ژنێكی گەنج لەلایەن هاوسەرەكەیەوە لە كەركوك كوژرا، هەردوو هاوژینەكە دانیشتووی بەغدادن و بە سەردان روویان لە شارەكە كردووە.
لە گەڕەکی خەزرا-ی شاری کەرکوک ژنێكی تەمەن 31 ساڵ لەلایەن هاوسەرەكەیەوە درایەبەر گوللــە و کوژرا.
بەپێی زانیارییەکانی تۆڕی میدیایی ئێستا ژن و مێردەكە دانیشتووی پارێزگای بەغدادن و بەمەبەستی سەردانکردنی ماڵی خوشکی ژنەكە روویان لە کەرکوک كردووە.
هەر بەپێی زانیارییەكان، شەوی رابردوو دەمەقاڵی لە نێوان هەردوو هاوسەرەکەدا دروست بووە و بەوهۆیەوە پیاوەکە تەقەی لە هاوسەرەکەی کردووە.
