وەزارەتی خوێندنی باڵای هەرێم بڕیاریدا بە لێخۆشوبونى کرێى خوێندنی ئەو خوێندکارانەی لە زینداندان، بە رێژەى %100 ى بۆ تەواوى پرۆسەى خوێندنەکەیان کە لە زیندان بەسەرى دەبەن.
بەپێی نوسراوێکی وەزارەتی خوێندنی باڵا و توێژینەوەی زانستی، “، بڕیاردراوە بە لێخۆشبوونى کرێى خوێندنی ئەو خوێندکارانەی لە ئێستادا لە بەڕێوەبەرایەتییەکانى چاکسازى کۆمەڵایەتى سەر بە وەزارەتى کار و کاروبارى کۆمەڵایەتى لە پارێزگاکانى هەرێمى کوردستان سزادراون بە رێژەى 100٪ ى بۆ تەواوى پرۆسەى خوێندنەکەیان کە لە چاکسازییەکان بەسەرى دەبەن”.
ئاماژەی بەوەش کرد، “بڕیارەکە بە لەبەر چاوگرتنى بارى دارایی ئەو خوێندکارانەى کە لە زانکۆ و پەیمانگە حکومى و تایبەتەکانى هەرێمى کوردستان دەخوێنن و لە ئێستادا سزادراون دەرکراوە”.
