وەزیری دەرەوەی ئەمریكا بە سەرۆك وەزیرانی عێراقی راگەیاندووە، پێویستە بە بەردەوامی مووچەی فەرمانبەرانی هەرێم دابەشبكرێت، هاوكات هەناردەی نەوت لە رێگای بۆریی عێراق – توركیاوە دەستپێبكاتەوە.
وەزارەتی دەرەوەی ئەمریكا راگەیەندراوێكی بڵاوكردووەتەوە و ئاماژەی بۆ ئەوە كردووە، ماركۆ رۆبیۆ، وەزیری دەرەوەی ئەمریكا لەگەڵ محەمەد شیاع سودانی، سەرۆك وەزیرانی عێراق گفتوگۆیان لەسەر چەند پرسێك كردووە و داوایكردووە بەدواداچوون و لێپرسینەوە بكرێت لەو هێرشانەی دەكرێنە سەر كێڵگە نەوتییەكان.
ئاماژە بۆ ئەوەش كراوە، وەزیری دەرەوەی ئەمریكا رایگەیاندووە پێویستە مووچەی فەرمانبەرانی هەرێمی كوردستان بە بەردەوامی دابەشبكرێت و هەناردەكردنەوەی نەوت لە رێگای هێڵی بۆریی عێراق – توركیاوە دەستپێبكاتەوە.
