بریکاری وەزارەتی حەج و عومرەی سعودییە رایگەیاند، بۆ وەرزی حەجی ئەمساڵ ژمارەی حاجیان هاوشێوەی سەردەمی پێش کۆرۆنا بەرزدەبێتەوە و زیاتر لە یەک ملیۆن حاجی لە دەرەوەی وڵاتەوە بەشداریی دەکەن.
عومرو مەداح، بریکاری وەزارەتی حەج و عومرەی سعودییە بڵاویکردەوە، “بۆ وەرزی حەجی ئەمساڵ ژمارەی حاجیان هاوشێوەی ساڵانی بەر لە کۆرۆنای لێدێتەوە، بۆ هەر هەزار کەسێک لە دەوڵەتێکی بیانیی کەسێک مافی حەجکردنی دەبێت”.
ئاماژەی بەوەش کرد، “بۆ ئەمساڵ 1.8 ملیۆن حاجی لە دەرەوەی سعودییە و 200 هەزار حاجیش لە ناوخۆی وڵاتەوە بەشداری لە رێورەسمی حەج دەکەن”.
ئاشکراشیکرد، “بۆ ئەمساڵ ئامادەیی تەواومان هەیە و وەرگرتنی ڤاکسینی کۆرۆنا و تەمەن ناکەین بە پێوەر بۆ هاتنی حاجیان بۆ وڵاتەکەمان، لەگەڵ ئەوەشدا خزمەتگوزارییەکانمان لە ساڵانی رابردوو زۆر باشتر دەبن”.
