وەزیری دەرەوەی ئێران رایدەگەیەنێت، وڵاتەکەی متمانەی بە ئەمریکا نییە لە دانوستانە دیپلۆماسییەکاندا.
لە چاوپێکەوتنێکیدا لەگەڵ کەناڵی ئێن بی سی نیوز، عەباس عەراقچی، وەزیری دەرەوەی ئێران رایگەیاند، ئەوە کاری ئیدارەی دۆناڵد ترەمپ، سەرۆکی ئەمریکایە کە ویستی خۆی بۆ دۆزینەوەی چارەسەر لەڕێی دانوستانەوە، نیشانبدات.
وتیشی، رەنگە واشنتن بەڕاستی ئارەزووی نەکردبێت رێگای دیپلۆماسی بەکاربهێنێت و دانوستانەکان وەک “بەرگێک” بۆ بۆردومانە ئاسمانییەکانی ئیسرائیل بەکارهێنابێت.
ئاماژەی بەوەشکرد، “رەنگە لە سەرەتاوە ئەم پلانەیان لە مێشکدا بووبێت و تەنها پێویستیان بە دانوستان هەبووبێت بۆ پەردەپۆشکردنی. نازانین ئیتر چۆن متمانەیان پێبکەین، ئەوەی ئەوان کردوویانە، لە راستیدا خیانەتێک بوو لە دیپلۆماسی”.
