خۆپیشاندانێكی ژنان بۆ ئازادی لەلایەن تاڵیبانەوە بە هێز وەڵامدرایەوە

خۆپیشاندانێكی پێشووی ژنان لە ئەفغانستان

لە كابول-ی پایتەخت ژمارەیەك لە ژنانی ئەفغانستان خۆپیشاندانێكیان بۆ داواكردنی مافەكانیان ئەنجامدا و لەلایەن چەكدارانی بزوتنەوەی تاڵیبانەوە ڕووبەڕووی لێدان بوونەوە.

خۆپیشاندانەكە دوای كۆنتڕۆڵكردنی وڵاتەكە لەلایەن تاڵیبان-ەوە، بەدرێژكراوەی خۆپیشاندانی دیكەی ژنان بۆ داواكردنی ماف و ئازادییەكان دادەنرێت، بەڵام لەلایەن چەكدارانەوە بە بەكارهێنانی دار بڵاوەیپێكرا.

هەروەك بە چەند كاتژمێرێك دێت دوای ڕاگەیاندنی ئەمارەتی ئەفغانستانی ئیسلامی.

ئەمەش لەكاتێكدایە هیبەتوڵڵا زادە، سەركردەی تاڵیبان لە ڕاگەیەندراوێكدا ئاماژەی بەوەكرد، دەمانەوێت ئەفغانستانێكی ئارام و سەقامگیر هەبێت و بتوانێت خۆی بژێنێت.

ئەوەشی وت، “ئەمارەتی ئیسلامی، چەند هەنگاوێكی جددی و كاریگەر لەبارەی مافی مرۆڤ، مافی كەمینەكان و پێكهاتە پەراوێزخراوەكانەوە دەنێت”.

شەممەی ڕابردوو خۆپیشاندانێكی هاوشێوە لە بەردەم كۆشكی سەرۆكایەتی لە كابول ئەنجامدرا و بەهۆی پەلاماری چەكدارانی تاڵیبانەوە ژنێك برینداربوو.

لە پێشتریشدا ژنانی ئەفغانی لە چەندین ناوچەی وڵاتەكەدا خۆپیشاندانی دژ بە تاڵیبان و بۆ داواكردنی مافەكانیان و بەشداریكردن لە حكومەتدا ئەنجامداون.

س: RT

بابەتی پێشتر

حكومەتێك بۆ فەرمانبەرانی: ئەگەر ڤاكسین وەرناگریت دەستلەكاربكێشەوە

بابەتی دواتر

باخچەی ئاژەڵانی هەولێر: ئازاردەرانی ئاژەڵان ڕووبەڕووی دادگا دەکەینەوە

بابەتی پەیوەندیدار
Total
0
Share