چاڤی هێرناندێزی ڕاهێنەری یانەی بەرشلۆنە، پلانی داڕشتووە لە فاینەڵی سوپەری ئیسپانیا بە بەکارخستنی دوو بەرگریکار جموجۆڵی ڤینیسیۆز جونیۆر پەکبخات.
بەپێی زانیارییەکانی ڕۆژنامەی “سپۆرت”ی کەتەلۆنی، چاڤی هێرناندێز بڕیاریداوە بە بەکارخستنی ڕۆناڵد ئاراوخۆ لە باڵی بەرگریی ڕاست و جول کوندی لە پێگەی سەنتەری بەرگریی ڕاست، جموجۆڵی ڤینیسیۆز جونیۆری بەڕازیلی و هێرشبەری یانەی ڕیاڵ مەدرید پەکبخات.
💥 Araujo ya demostró que puede atar en corto al brasileño y Koundé, por sus características, también ofrece garantías
✍️ @bonagerman https://t.co/gQcLYKracO
— Diario SPORT (@sport) January 13, 2023
بەپێی سەرچاوەکە، لە ڕاهێنانەکاندا چاڤی ئەم شێوازە تەکتیکییەی تاقیکردووەتەوە و هەوڵەکان بۆ ئەوە بووە مەوداکان بەرتەسک بکاتەوە، پێشتریش لە کلاسیکۆکاندا هەمان پلانی تاقیکردووەتەوە و تا ڕادەیەک سەرکەوتوو بووە.
بڕیارە سبەیشەو کاتژمێر (10:00) بە کاتی هەرێمی کوردستان، لە یاریگای “شا فەهد” لە سعوودیە، یاریی کۆتایی جامی سوپەری ئیسپانیا لە نێوان یانەکانی بەرشلۆنە و ڕیاڵ مەدرید ئەنجامبدرێت.
