لە رووداوێکی نامۆدا لە شاری تەرابلوسی لیبیا بەهۆی شکاندنی کوپێکی قاوە، ژنێک هاوسەرەکەی خۆی کوشت کە خاوەن پێداویستی تایبەتە.
میدیا عەرەبییەکان بڵاویانکردەوە، “پاش ئەوەی تەرمی پیاوێک لە ماڵەکەی خۆیدا لە ناوچەی قرقاشی سەر بە شاری تەرابلوسی لیبیا دۆزرایەوە و هاوسەرەکەی بانگەشەی ئەوەی دەکرد لەلایەن کەسانی نەناسراوەوە هێرشکراوەتە سەری و کوژراوە، لێکۆڵینەوەکان دەستیانپێکرد و دەرکەوت هاوسەرەکەی ئەنجامدەری تاوانەکەیە”.
ئاماژەیان بەوەش کرد، “ژنەکە دانی بەوەداناوە، کە خۆی هاوسەرەکەی بە دەسکی گسکی کارەبایی کوشتووە، ئەوەش پاش ئەوەی کوپێکی قاوەی شکاندووە کە ماوەیەک لەمەوبەر کڕیویەتی”.
ئاشکراشیکرد، “ژنەکە وتوویەتی، هاوسەرەکەم بە لێدان نەبێت گوێی لێنەگرتووم، بۆیە چەندین جار گسکم پێداکێشاوە تا لەهۆش خۆی چووە و لە زەویدا کەوتووە”.
میدیا عەرەبییەکان باسیان لەوەشکرد، “پیاوەکە خاوەن پێداویستی تایبەت بووە و دایک و باوکیشی لە خانەی بەساڵاچووان ماونەتەوە”.
