وڵاتی ئیمارات لەنوێترین هەنگاوەکانی بۆ ڕێگریکردن لە دیاردەی بەبیابانبوون، هەڵساوە بە سوودوەرگرتن لە درۆن و زیرەکی دەستکرد، کە یارمەتی دووبارە ژیانەوەی خاکەکان دەدات.
بیرۆکەی پرۆژەکە لەلایەن ئەنجومەنی تەکنەلۆجیای وڵاتەکەوە پێشنیارکراوە، کە لەڕێگای ئامێری درۆنەوە ناوچە بیابانییەکان دەدۆزرێنەوە و دواتر بەبەکارهێنانی زیرەکی دەستکرد تیشکێکی ئەلکترۆنی هاوشێوەی “لێزەر” بەرەو قوڵایی خاکەکە ئاراستەدەکرێت و زانیاری لەسەر خاکەکە دیاریدەکات.
هەروەها، لەهەنگاوی دواتردا لەریگای تیمێکی شارەزایی جیۆلۆجی و کشتوکاڵییەوە، چاودێری خاکەکان دەکرێت و لەپرۆسەیەکی تایبەتدا سەوزایی تێدادەچێنن.
هاوکات، سەرپەرشتیارانی پرۆژەکە دەڵێن، ئەم هەنگاوە نوێیە نەک هەر رێگری لە دیاردەی بیابانبوون دەکات، بەڵکو دوبارە سەوزاییش بۆ ناوچەکان دەگەرێنێتەوە.
