لەلایەن هێزەكانی پۆلیسەوە سێ كەس لە خورماڵ بە تۆمەتی دزینی ماتوڕسکیل دەستگیركران.
بەڕێوەبەرایەتيی پۆلیسی پارێزگای هەڵەبجە رایگەیاند، به تۆمەتی دزینی ماتوڕسکیل بنکەی پۆلیسی خورمال سێ تۆمەتباری دەستگیرکرد کە هەستابوون بە دزینی ماتۆڕسکیلی هاوڵاتیان.
هەر سێ تۆمەتبار دانیشتووی ناحیەی خورماڵن و لەبەردەم دادوەری لێکۆڵینەوە دانیان بەتاوانەکەیاندا ناوە، وەك ئەوەی لە راگەیەندراوەكەی پۆلیسدا هاتووە.
