وەزارەتی گواستنەوە و گەیاندن دەڵێت، “هەوڵی باشكردنی خزمەتگوزاریی ئینتەرنێت و كەمكردنەوەی كرێكەی دەدەین”.
ئەمڕۆ شەممە كۆبوونەوەیەكی فراوانی وەزارەتی گواستنەوە و گەیاندن لەگەڵ كۆمپانیاكانی ئینتەرنێتدا لە كۆمپانیای گشتیی پەیوەندییەكانی عێراق ئەنجامدراوە و بەپێی راگەیەندراوی وەزارەتەكە، هیام یاسری وەزیری گواستنەوە و گەیاندن سەرپەرشتیی كۆبوونەوەكەی كردووە.
ئامانج لە كۆبوونەوەكە، تاوتوێكردنی دۆخی خزمەتگوزاریی ئینتەرنێت بووە و راگەیەندراوەكە دەڵێت، “باشكردنی خزمەتگوزاریی ئینتەرنێت و بەرزكردنەوەی تواناكانی و كەمكردنەوەی نرخەكان تاوتوێكراون”.
وەزیری گواستنەوە رایگەیاندووە، “وەزارەتی گواستنەوە لە نزیكترین كاتدا بڕیاردەدات بۆ بەدیهێنانی ئەو ئامانجانە و جێبەجێكردنیان و گەیاندنیان بە شێوەیەكی گونجاو بە هاوڵاتییان”، وەك راگەیەندراوەكە ئاشكرایكردووە.
