فڕۆکەخانەی نێودەوڵەتیی بەغداد گەشتە ئاسمانییەکانی بەهۆی کەش و هەوا و دابەزینی ئاستی بینین لە ئەنجامی تەم و مژی چڕەوە بەشێوەیەکی کاتی راگرت.
لە راگەیەندراوێکدا فڕۆکەخانەی نێودەوڵەتیی بەغداد بڵاویکردەوە، کە بەڕێوەبەرایەتیی فڕۆکەخانە سەرجەم سەرنشینان و هێڵە ئاسمانییەکان کە لە فڕۆکەخانەکەدا کاردەکەن ئاگاداردەکاتەوە کە گەشتەکانی فڕۆکەخانە وەستاون، بەهۆی بارودۆخی کەشوهەوا و کەمبوونەوە مەودای بینین بۆ کەمتر لە 200 مەتر.
جەختی لەوە کردوەتەوە کە لە هەر بڕیارێکی نوێ سەبارەت بە گەشتەکان ئاگادار دەکرێنەوە.
