رێكخراوی تەندروستیی جیهانی دەڵێت، گۆڕاوی نوێی (ئێكس بی بی 1.5)ی ڤایرۆسی كۆرۆنا كە بەشێوەیەكی سەرەكی لە ویلایەتە یەكگرتووەكان و ئەوروپا بڵاودەبێتەوە، بە ئاسانییەكی زۆر زیاتر لە هەموو جۆرە گۆڕاوەكانی دیكە بڵاودەبێتەوە.
ماریا ڤان كیركۆڤ، پسپۆڕی بواری ڤایرۆسی كۆڤید-19 لە رێكخراوی تەندروستیی جیهانی لە جنێف-ەوە رایگەیاند، گۆڕاوەكە كە لە تشرینی یەكەمی رابردوو ئاشكراكرا، بە ئاسانییەكی زۆر زیاتر لە گۆڕاوە ناسراوەكانی دیكە بڵاودەبێتەوە.
بەپێی شیكاریی بۆماوەیی ڤایرۆسەكە، بەشێوەیەكی سەرەكی لە ویلایەتە یەكگرتووەكان و ئەوروپادا بڵاودەبێتەوە، بە كردەییش لە 29 وڵاتدا ئاشكرابووە و یەكێكە لە لقەكانی گۆڕاوی ئۆمیكرۆن كە لە كۆتاییەكانی ساڵی 2021ەوە بڵاودەبێتەوە.
ڤان كیۆكۆڤ ئەوەشی وت، لەئێستادا شیكاری بۆ مەترسییەكانی دەكرێت و بەمنزیكانە بڵاودەكرێتەوە.
