وەزارەتی تەندروستی عێراق بڵاویکردەوە، ساڵانە و لە شەوی سەری ساڵدا یارییە ئاگرینەکان خەڵکێکی زۆر دەکەنە قوربانی، بۆیە داوا دەکەین هاوڵاتییان خۆیان لە بەکارهێنانی بپارێزن.
ئەمڕۆ پێنجشەممە وەزارەتی تەندروستی عێراق بڵاویکردەوە، “ساڵانە وەزارەتمان هۆشداری دەدات بە هاوڵاتییان لە مەترسییەکانی بەکارهێنانی یارییە ئاگرینەکان لە بۆنەکانی سەری ساڵدا”.
ئاماژەی بەوەشکردووە، “مەترسی ئەو یارییە ئاگرینانە بە شێوەیەکە دەبێتە هۆی کوێربوونی چاو، لەداستدانی پەلەکان، لە ساڵانی رابردوودا مردنی لێکەوتووەتەوە”.
ئاشکراشیکرد، “لەگەڵ ئەوەی ئێمە ئامادەکاریی تەواومان بۆ بەرەنگاربوونەوەی ئەو حاڵەتانە کردوە، داوا دەکەین هاوڵاتییان بە تەواوی لەو یارییانە خۆیان بەدووربگرن و ژیانیان نەخەنە مەترسییەوە”.
