كۆمپانیای “تێسلا” بڕیاریداوە بارگاویكەرەوەیەكی بێتەل دروستبكات كە وەك خۆی دەڵێت، “لە یەك كاتدا سێ ئامێر بارگاویدەكاتەوە”.
بارگاویكەرەوەكە ناوی “Tesla Wireless Charging Platform”ـە و خۆكردانە و بەبێ تەل كاردەكات و ئامێرە زیرەكەكان بارگاویدەكاتەوە، لە كاتی خستنەبازاڕدا نرخەكەی 300 دۆلار دەبێت.
بەپێی كۆمپانیای تێسلا، بارگاویكەرەوە بێتەلەكە شێوەی لاكێشەیی دەبێت و دەتوانێت لە یەك كاتدا سێ ئامێری زیرەك بارگاویبكاتەوە، وەك بارگاویكردنەوەی دوو ئامێری مۆبایل و بیستۆكێكی زیرەك یان دوو ئامێری مۆبایل و كاتژمێرێكی زیرەك، یاخود ئامێرێكی مۆبایل و بیستۆكێك و كاتژمێرێكی زیرەك.
